Rusiyada hərbi təyyarə qəzasının səbəbləri açıqlanıb – YENİLƏNİB + VİDEO
Su-30 qırıcısının İrkutskda qəzaya uğramasının əsas versiyaları açıqlanıb.
Bildirilib ki, pilotlar qəza anında huşsuz olublar.
İlkin versiyaya görə, buna qırıcının oksigen avadanlığının sıradan çıxması və ya pilot kabinəsində hermetizasiyanın pozulması səbəb ola bilər.
Həmçinin, məlum olub ki, təyyarənin düşdüyü evdə 5 sakin yaşayıb. Lakin insident zamanı onlar evdə olmayıblar.
Hazırda hadisə sonrası yaranan yanğın aradan qaldırılıb.
15:12
Rusiyada hərbi təyyarə qəzasının bəzi təfərrüatları məlum olub.
Hər iki pilotun öldüyü bildirilib. Həmçinin, təyyarənin düşdüyü binadan üç azyaşlı təxliyə olunub.
Qəza nəticəsində başlayan yanğının 100 kvadratmetr sahəni əhatə etdiyi qeyd olunub.
15:02
Rusiyada hərbi təyyarə yaşayış binası üzərinə düşüb.
Hadisə İrkutskun Novo-Lenino rayonunda yaşanıb.
İlkin məlumata görə, hərbi təyyarə ikimərtəbəli evin üzərinə düşüb. Ehtimal olunur ki, bu, təyyarə zavodundan havaya qalxan Su-30 qırıcısı olub.
Dağıntı və tələfat barədə məlumat verilməyib.
Mənbə: Mash
