Rusiya “Azovstal”la bağlı planını açıqladı
“Mariupoldakı “Azovstal” müəssisəsi, çox güman, texnopark kimi istifadə olunacaq”.
“Boyuksherg” xəbər verir ki, bu barədə Rusiya Baş nazirinin müavini Marat Xusnullin RBK-ya müsahibəsində bildirib.
“Biz orada şəhəri dolandıracaq iş yerləri açacağıq. Çox güman, bu, abadlıq elementləri ilə texnopark olacaq. Hazırda bunun üzərində işləyirik”, – dövlət rəsmisi deyib.
Rusiya Baş nazirinin müavini, həmçinin bildirib ki, Mariupoldakı ilk yaşayış evləri və xəstəxanalar artıq sentyabrda istifadəyə veriləcək.
Qeyd edək ki, Rusiya fevralın 24-də Ukraynaya qarşı müharibəyə başlayıb.
