featured-image-10994

Hüquq-mühafizə orqanları Peru prezidenti Pedro Kastilyonu saxlayıb.

Bu barədə ölkə mətbuatı məlumat yayıb.

Bir qədər öncə Peru parlamenti ölkə prezidentinin impiçmentini dəstəkləyib.

Bundan əvvəl isə Kastilyo parlamentin buraxıldığını və ölkədə komendant saatı tətbiq olunduğunu bəyan edib.

Mənbə: mk.ru

23:28

Peru Prezidenti Pedro Kastilyo çərşənbə günü parlamentin buraxaraq ölkədə fövqəladə vəziyyət elan edib.

O, bunu dövlət başçısı administrasiyasının “Facebook” səhifəsində yayımlanan xalqa müraciəti zamanı bildirib.

“Ölkənin hər yerindən vətəndaşların şikayətləri ilə əlaqədar mühüm qərarlar qəbul edilib. Hüquqi demokratik dövlətin bərpası üçün fövqəladə hökumət yaradılsın və aşağıdakı tədbirlər görülsün: Konqres müvəqqəti olaraq buraxılsın, respublikada fövqəladə hökumət yaradılsın, ən gec 9 ay müddətində yeni konstitusiyanın hazırlanması üçün Konqresə yeni seçkilər keçirilsin. Həmçinin, bu gündən etibarən komendant saatı tətbiq edilir”, – deyə dövlət başçısı bəyan edib.

Bundan əlavə, Kastilyo bütün vətəndaşların növbəti 72 saat ərzində qanunsuz silahlarını təhvil verməli olduqlarını açıqlayıb. Siyasətçi ictimaiyyəti “ölkəni heç bir ayrı-seçkilik olmadan inkişaf yoluna yönəltməyə imkan verəcək” bu qərarları dəstəkləməyə çağırıb. O xatırladıb ki, hakimiyyətə gələndən indiki parlament hökumətin irəli sürdüyü sosial-iqtisadi təşəbbüsləri ardıcıl olaraq rədd edərək, Nazirlər Kabinetinin işinə mane olub. Kastilyo əlavə edib ki, qərarı barədə Amerika Dövlətləri Təşkilatına məlumat verəcək.

Prezidentin bəyanatından sonra Peru parlamenti təcili toplaşaraq dövlət başçısına impiçment elan edib. Ölkə polisi və ordu da qanunverici orqanın tərəfini tutub.

Mənbə: TASS

Bənzər xəbərlər