"Fənərbağça" səfərdə qalib gəlib "Qalatasaray"a yaxınlaşdı - VİDEO
Türkiyə Super Liqasında XXVI turun oyunları keçirilir.
“Boyuksherg” xəbər verir ki, çempionluq uğrunda mübarizə aparan “Fənərbağça” “Alanyaspor”un qonağı olub. Görüş İstanbul klubunun qələbəsi ilə başa çatıb – 3:1.
Enner Valensiyanın penaltidən dubl etdiyi qarşılaşmada “Fənərbağça”nın son qoluna Emer Mor imza atıb.
Qələbə sayəsində “Fənərbağça” xalını 54-yə yüksəldib. İkinci yerdə qərarlaşan komanda bu tur məğlub olan lider “Qalatasaray”la fərqi 6-ya endirib.
