featured-image-9713

Qarşılaşmanın favoriti olan futbolun yaradıcıları mundiala böyük hesablı qələbə ilə başlayıb. Məhsuldar keçən görüşdə ümumilikdə 8 qol vurulub.

Oyunun əvvəlində asiyalıların müqavimətini qırmaqda çətinlik çəkən İngiltərə millisi ilk hissənin sonlarında üç dəfə fərqlənib. Cud Bellingemin hesabı açdığı matçda Bukayo Saka və Rahim Sterlinq fasiləyədək fərqi üç topa çatdırıb.

İkinci hissənin ortalarında Saka dublunu rəsmiləşdirib – 4:0. İranlılar Mehdi Tareminin qolu ilə fərqi azaltsa da, Markus Reşfordla Cek Qriliş böyük britaniyalıların üstünlüyünü 5 topa çatdırıb. Uzatma dəqiqələrində Mehdi penalti ilə dublunu rəsmiləşdirib.

Beləliklə, son dünya çempionatının yarımfinalçısı Qətərdəki mundiala 6:2 hesablı darmadağınla start verib.

Qeyd edək ki, B qrupunun bu gün keçiriləcək digər matçında Uels və ABŞ qarşılaşacaq. Görüş Bakı vaxtı ilə saat 23:00-da başlayacaq.

DÇ-2022, qrup mərhələsi

21 noyabr

B qrupu

17:00. İngiltərə – İran – 6:2

Qollar: Cud Bellingem, 35, Bukayo Saka, 43, 62, Rahim Sterlinq, 45+1, Markus Reşford, 71, Cek Qriliş, 90 – Mehdi Taremi, 65, 90+13 (pen.)

16:15

Qətərdə keçirilən dünya çempionatında üz-üzə gələcək İngiltərə və İran komandalarının start heyətləri açıqlanıb.

Komandalar meydana aşağıdakı oyunçularla çıxacaqlar:

İngiltərə: 1. Cordan Pikford (q), 12. Kiran Tripyer, 5. Con Stounz, 6. Harri Maquayr, 3. Lyuk Şou, 4. Deklan Rays, 22. Cud Bellingem, 17. Bukayo Saka, 19. Meyson Maunt, 10. Rahim Sterlinq; 9. Harri Keyn (k)

İran: 1. Əlirza Beyrənvand (q), 2. Sadeq Moharremi, 3. Ehsan Həcsəfi (k), 5. Milad Mohemmedi, 7. Əlirza Cahanbaxş, 8. Murtəza Purəliqanji, 9. Mehdi Taremi, 15. Ruzbeh Çeşmi, 18. Əli Kərimi, 19. Məcid Hosseyini, 21. Əhməd Nurullahi.

Qeyd edək ki, qarşılaşma Bakı vaxtı ilə saat 17:00-da start götürəcək.

Bənzər xəbərlər