featured-image-6359

Bu ilin yanvar-avqust aylarında Azərbaycan İtaliyaya 5 milyard 291 milyon 416 min 250 ABŞ dolları dəyərində 7 037 650,87 ton neft ixrac edib. Bununla da İtaliya Azərbaycanın ümumi neft ixracında birinci yerdə qərarlaşıb.

“APA-Economics”in Dövlət Gömrük Komitəsinin hesabatına istinadən verdiyi məlumata görə, Azərbaycanın ümumi neft ixracında ikinci yerdə İsrail qərarlaşıb.

Belə ki, hesabat dövründə Azərbaycan bu ölkəyə 1 milyard 177 milyon 966 min 640 dollar dəyərində 1 632 481,35 ton neft ixrac edib.

Azərbaycanın neft ixracı üzrə siyahıda üçüncü yeri Hindistan tutur. Yanvar-avqust aylarında bu ölkəyə 1 milyard 341 milyon 651 min 250 dollar dəyərində 1 599 696,16 ton neft ixrac edilib.

Məlumata əsasən, qeyd olunan göstəricilərdə hesabat dövründə gömrük orqanlarında rəsmiləşdirilməsi başa çatdırılmış ixrac olunan neftin dəyərinə dair məlumatlar nəzərə alınıb. Siyahıdan göründüyü kimi, hesabat dövründə 26 ölkəyə 13 milyard 724 milyon 349 min 310 dollarlıq 17 983 700,5 ton neft ixrac edib.

Azərbaycanın 2022-ci ilin yanvar-avqust aylarında neft ixrac etdiyi ölkələrə dair tərtib etdiyi reytinqi (ixrac edilən neftin miqdarına görə) təqdim edirik:

Bənzər xəbərlər